Հարցեր
- Թվարկե՛ք մարդու աչքի մասերը և նշե՛ք դրանց նշանակությունը:
Եղջերաթաղանթ, ծիծանաթաղանթ, բիբ, ակնաբյուրեղ, ակնապատյան, ցանցաթաղանթ, տեսողական նյարդ, ապակենման մարմին:
- Որքա՞ն է նորմալ աչքի լավագույն տեսողության հեռավորությունը:
Նորմալ աչքի համար լավագույն տեսողության հեռավորությունը մոտ 25 սմ է: Այդ հեռավորության վրա մենք առարկան տեսնում ենք առանց աչքը լարելու: Ավելի փոքր հեռավորությունների վրա աչքն էապես լարվում է:
- Ձեզ հայտնի ի՞նչ եղանակով է կարճատեսությունը ուղղվում:
Կարճատեսությունը շտկելու համար մարդիկ դնում են ցրող ոսպնյակներով ակնոց:
- Ի՞նչ պետք է անել տեսողության արատները կանխելու համար:
Անհրաժեշտ է տեսողության լարում պահանջող աշխատանքը պարբերաբար ընդհատել և հանգստացնել աչքերը։
Չպետք է երկար հեռուստացույց դիտել կամ աշխատել համակարգչով։
Պետք է գրել և կարդալ լավ լուսավորվածության պայմաններում: Չափից ավելի պայծառ կամ աղոտ լույսը կարող է վնասել աչքերը։
Չի կարելի գրել կամ կարդալ չափից ավելի կռանալով գրքի կամ տետրի վրա: Աչքից հեռավորությունը պետք է լինի 25 սմ։
Գրելիս լույսը պետք է ընկնի այնպես, որպեսզի ձեռքը ստվեր չգցի աշխատանքային մակերեսի վրա: Աջ ձեռքով գրելիս՝ ձախ կողմից, իսկ ձախ ձեռքով գրելիս՝ աջ կողմից:
Չի կարելի կարդալ պառկած վիճակում կամ շարժվող տրանսպորտում:
Մարիաննա Խաչատրյանի բլոգ 