ՏԻԳՐԱՆ 2-ՐԴ ՄԵԾԻ ՏԵՐՈՒԹՅԱՆ ՍՏԵՂԾՈՒՄԸ ԵՎ ԸՆԴԼԱՅՆՈՒՄԸ։ ԷՋ 88-97
ՊԱՏՐԱՍՏՎԵ՛Ք ՊԱՏՄԵԼՈՒ
- Հայ-պոնտական դաշինքը։ Էջ 88-90
- Հայ-պարթևական պատերազմը։ էջ 90-91
- Հայկական աշխարհակալության ընդլայնումը։ էջ 93-97
ԿԱՏԱՐԵ՛Ք ԱՌԱՋԱԴՐԱՆՔՆԵՐ
1․ Տիգրան Մեծը ինչո՞ւ չգրավեց Փոքր Հայքը։ Որովհետև Ք․ա․ 112 թվականին Փոքր Հայքը միացվել էր Պոնտոսին։ Այդ ժամանակ Պոնտոսում թագավորում էր Միհրդատ VI-ը։
2․ Ե՞րբ կնքվեց հայ-պոնտական դաշինքը։ Ք․ ա․ 94 թվականին կնքվեց հայ-պոնտական դաշինքը։ Տիգրան Մեծը ամուսնացավ Միհրդատի դուստր Կլեոպատրայի հետ։
3․ Տիգրան Մեծն ու Միհրդատ Եվպատորը ի՞նչ էին պայմանավորվել Կապադովկիայի վերաբերյալ։ Ք․ա․ 93 թվականին Մեծ Հայքը և Պոնտոսի թագավորությւոնը գրավացին Կապադովկիան։ Տարածքը անցավ Պոնտոսին, իսկ հարստությունը, գերիները և շարժական գույքը անցավ Մեծ Հայքին։
4․ Ներկայացրե՛ք հայ-պարթևական պայմանագիրը։ Ք․ ա․ 87 թվականին Տիգրան Մեծը ջախջախեց պարթևական զորքը և հասավ ամառային մայրաքաղաք Էկբատան։ Պարթևները ընդունեցին հայերի գերիշխանությունը։ Իսկ հետո Տիգրան Մեծին շնորհեցին Արքայից արքա տիտղոսը։
5․ Տիգրան Մեծը ինչպե՞ս բազմեց Սելևկյան գահին։ Սելևկյանների ավագանին և ժողովուրդը հրավիրեցին հայոց արքային։ Ք․ ա․ 84 թվականին մայրաքաղաք Անտիոքում Տիգրան Մեծը նստեց Սելևկյանների գահին։ Եվ իշխեց այնտեղ տասնյոթ տարի։
6․Միջերկրական ծովի ափին Տիգրան Մեծը ի՞նչ տարածքներ գրավեց։ Տիգրան Մեծը իր տերությանը միացրեց Կոմմագենեն, Կիլիկիան և Փյունիկիան։ Ք․ա․ 72 թվականին Նաբաթեայի թագավորությունը ընդունեց Տիգրանի գերիշխանությունը։ Գերիշխանությունը ճանաչեց նաև Հրեաստանը։
Մարիաննա Խաչատրյանի բլոգ 